Me dison Patrick
Colombo. Nasquère en 1962 à Bone d'Argerio. Siéu divourcia e ai uno fiho.
Reste au Martegue e ai agu fa lou fourmatour en bastimen à l'AFPA
d'Istre o mai lou teinician en segureta dins de fabrico o de chantié.
Me siéu aprés la lengo d'esperiéu tre qu'aguère 22
an de tèms. Fuguère sòci dóu Cèntre
d'Ouralita de la Lengo d'O de-z-Ais de Prouvènço, di Vièi Pastourèu
de Miramas ounte i'avié uno chourmo que jougavon la
pastouralo Maurel e de Paratge
Mar Ròse Monts. Siéu afouga pèr noste païs e, mai que
mai, l'aurés encapa, pèr sa lengo. M'agradon peréu la guitaro,
lou soutage, la bouvino, l'enfourmatico... N'ai moun coufle de
touto merço d'aculturacioun coumo, pèr eisèmple, lou nescige d'halloween.
Daverère uno licènci
en juliet de 2003 e rintrère à APRENE
en setembre pèr fin de trachi regènt de Calandreta.
Après la proumiero annado, siguère fourça de quita
lou mouvamen. Capitère lou councours especiau lengo "regiounalo"
de proufessour dis escolo bilengo en 2006. Aro siéu à la
retirado. Ai fach un pantai : lou brave mounde d'eici se destressounavon
enfin pèr dire de noun au mesprés et tourna afourti soun drech à la paraulo.
